Pas Juves, Milanit, Interit, Romës dhe Lazios është radha e Napolit. Asnjë prej skuadrave të mëdha në Serinë A nuk arriti të fitonte duke mbyllur një javë tepër zhgënjyese për të gjithë por të kaltërit kishin një rast të artë.
Një fitore në transfertën me Cagliarin do t’i çonte automatikisht në vend të parë në renditje djemtë e Spallettit të cilët dështuan duke marrë nje barazim me shumë mundime ishullin italian.
Edhe pse me mungesa të rëndësishme në fakt, Napoli tentoi shumë e në fund ndoshta u largua me një pikë që i rri ngushtë sepse Cagliari e vuri shumë në vështirësi.
Vendasit kaluan të parët në avantazh me Pereiro në 58’ ndërsa vetëm në minutat e fundit të ndeshjes Osimhen nxorri Napolin nga telashet duke barazuar ndeshjen.
Një barazim që e lë Napolin në vend të tretë por tani me pike të barabarta 54 po aq sa Interi i vendit të dytë.
