Premtim Kryemadhi, kandidati i “Shtëpia e Lirisë” në Bashkinë e Dibrës, gjatë një takimi me banorët e Maqellarës, u shpreh se ministrat Ulsi Manja dhe Belinda Balluku kanë zbarkuar në këtë bashki me të gjithë stafet e tyre dhe drejtorët që kanë në varësi, për të ndihmuar kandidatin socialist.
Kryemadhi tha se e gjithë administrata shtetërore jo vetëm e Dibrës, por edhe e bashkive fqinje, është angazhuar në fushatën e kandidatit të PS, megjithëse ligji e ndalon.
“E dini pse ndodh kjo? Sepse ata kanë frikë nga ju qytetarët, të cilët ju kanë mashtruar, nuk ju kanë qeverisur”, iu drejtua Kryemadhi, banorëve të Maqellarës.
Ai theksoi se socialistët kanë sjellë në Dibër një kandidat nga Tirana, ashtu sikundër nga Tirana janë edhe Drejtori i Policisë, apo edhe zyrtarë të tjerë, të cilët vijnë këtu si turistë dhe jo për të gjidhur hallet tuaja, për t´ju shërbyer juve.
