Aktori hollywood-ian Brad Pitt ka paditur ish-gruan, Angelina Jolie, për shitjen e vreshtave të tij të preferuar francezë pa u konsultuar me të.
Pitt ka nisur veprim ligjor ndaj ish-gruas për shitjen e vreshtit që konsideronte “pasioni i tij”, përkundër përcaktimeve të marrëveshjes së divorcit të tyre.
Sipas padisë së parë nga agjencia Press Association, Jolie kishte shitur pjesën e saj të pronave franceze në Chateau Miraval, te një kompani nga Luksemburg, në pronësi të biznesmenit rus Yuri Shefler, megjithse çifti kishin një marrëveshje kundër shitjes së interesave të njëri-tjetrit pa miratimin përkatës.
“Ajo ka shitur interesat te Shefler dhe bashkëpunëtorët e tij, duke i bërë kontrollues të biznesit ndaj të cilit Pitt ishte kujdesur për shumë vite në Miraval,” thuhet në paedi sipas agjencisë PA.
Në janar 2021, Jolie kishte njoftuar Pitt për vendimin për shitjen e pjesës së saj në pronën me vreshta dhe distilerinë e verës e pijeve të tjera alkoolike.
Sipas raportimeve, Jolie kishte kryer aktin megjithë ofertat e Pitt për të blerë pjesën tjetër të aksioneve prej saj, dhe në padi thuhet se ajo ka shkaktuar “lëndim hakmarrjeje” ndaj ish-bashkëshortit, i cili kishte derdhur “para dhe djersë” në një prej “prodhuesve më të mirë në botë të verës franceze ‘roze’”.
Çiftii Hollywood kishin blerë pronën e tyre në Miraval në vitin 2008 për të paktën $25 milionë, kur Pitt pagoi 60% të çmimit dhe Jolie 40% të mbetura. Gjatë martesës së tyre, kështjella me 35-dhoma Miraval ishte një vend-pushimi i preferur për familjen me gjashtë fëmijë.
Blerësi i ri Shefler zotëron konsorciumin e pijeve alkoolike SPI Group, që shet verë dhe pije në 170 vende të botës, mes të cilave dhe Stolichnaya Vodka.
