Tirana dhe Skënderbeu janë finalistet e Kupës së Shqipërisë në volejboll për femra për edicionin 2021-2022. Vajzat bardheblu fituan derbin e dytë brenda pak ditësh, teksa e mposhtën Partizanin edhe në ndeshjen e kthimit, këtë herë me rezultatin 3-2.
Skuadra e Amarilda Prengës e dominoi sfidën e zhvilluar dje në “Feti Borova”, teksa e startoi lojën me ritëm të lartë dhe me entuziazëm, për të krijuar një shkëputje që në pikët e para.
Megjithatë, Partizani reagoi dhe arriti të barazonte përkohësisht në 9-9. Por më tej seti nuk kishte më histori, pasi bardheblutë morën kontrollin dhe fituan 25-14. Në fraksionin e dytë të kuqet e trajnerit turk Neçat Sançak ndryshuan marsh dhe pas pikëve shtesë e fituan setin 25-27 për të barazuar në 1-1.
