Finalja e parakohshme e Champions League pati një fitues me meritë. PSG dhe Real Madrid në përballjen e parë të 1/8 u përballën në Paris ku vendasit arritën të bënin jashtëzakonisht më mirë teksa fituan falë djaloshit të artë, jo Messi por Kylian Mbappe.
Në një “Parc de Princes” të tejmbushur, yjet e Parisit dominuan në këtë takim duke bërë jashtëzakonishtë më mirë se “los blancos” në fushë teksa në 18’ Courtois bën protagonistin menjëherë duke larguar një gjuajtje të Mbappe.
Janë minuta që flasin vetëm për vendasit dhe pjesa e parë është totalisht e tyre dhe fatkeqësisht pa gol të shënuar.
Në fraksionin e dytë, menjëherë Mbappe në 50’ sërish i rrezikshem me një gjuajtje të cilën Courtous sërish e pret. Minutat ecin dhe ankthi shtohet por nga Reali nuk shihet asgjë konkrete teksa në 61’ vjen dhe episodi qe vendos ndeshjen.
Orsato vërshëllen penallti për një faull të Carvajal dhe Messi përballë Courtois gabon por duhet të themi që ishte edhe meritë e portierit belg që sot është një hero i vërtetë. Me afrimin drejt fundit skuadrat bëjnë kujdes por Mbappe që sot e meritonte të bënte një gol e arrin dhe e bën ndaj ish ekipit të tij të ardhshëm. Në frymën e fundit ai arrin të thyej Courtois që deri në atë moment ishte heroi i ndeshjes.
1-0 dhe tashmë Real Madrid duhet të bëjë diçka ndryshe në kthim që të mendojë për një vend në çerekfinale.
