Pas fitores 4-2 kundër Atletikos së Madridit në Barcelonë kishin guxuar të diskutonin dhe për kampionatin. Por barazimi në derbin me Espanjolin ka kthyer Barçën me këmbë në tokë.
Ndërsa trajneri Xavi ka thënë pas ndeshjes se skuadra e tij duhet ta harrojë fjalën titull. “Titulli? Është shumë e vështirë të luftojmë për titullin. më mirë e mbyllim këtë kapitull. Me këtë barazim kemi bërë një hap pas. Ndaj të ulim kokën e të vazhdojmë të punojmë, kjo është e gjitha”, ka thënë Ksavi.
Tekniku i Barçës ka analizuar dhe derbin. “Mendoj se ishte një ndeshje që duhej fituar. Kishim gjithçka nën kontroll, por gabimi që bëmë ishte mos shënimi i golit të dytë. Më pas rrezikuam humbjen”, ka thënë tekniku i Barcelonës.
