Ledio Pano duket se po sheh më në fund sulmuesin që ëndërronte prej kohësh te Partizani. Ish-futbollisti i njohur i Partizanit, është i entuziazmuar me paraqitjet e Xhuliano Skukës te të kuqtë ndaj në studion e “Gol pas Goli” nuk ka shmangur dot një krahasim mjaft të veçantë të numrit 9 të të kuqve.
“Skuka mund të them që është Broja i kampionatit shqiptar. Jo vetëm për golat, por edhe për potencën që ka, edhe për lojën që zhvillon.
E rëndësishme është të vazhdojë me këtë ritëm, është në këtë klub të madh. Sulmuesit më të mëdhenj të futbollit shqiptar kanë qenë të Partizanit. E rëndësishme tani është që Partizani ka një sulmues goli që po ndihmon ekipin të ecë përpara”, tha Ledio Pano.
