Kanë dalë të tjera detaje rreth ngjarjes së rëndë të mbrëjes së sotme në Grudë të Re të Shkodrës, ku mbeti i vrarë një 47-vjeçar i identifikuar si Prek Tonaj.
Viktima më herët ka humbur dhe dy vëllezërit e tij, njëri i vrarë gjatë diktaturës kurse një tjetër 10 vite më parë.
Gjithashtu në vitin 2011 vetë Tonaj në bashkëpunim me dy persona të tjerë ka tentuar të kryejë një vrasje me motive khakmarrjeje, por që ëhstë parandaluar nga policia.
Mesa duket edhe vetë ai është ekzekutuar për motive hakmarrjeje duke lënë pas dhe 3 fëmijë.
Ndërkohë që është zbuluar dhe mesazhi që autorët e maskuar i kanë thënë para se ta vrisnin. Dëshmitarët bëjnë me dije se ata i kanë përmendur emrin e personit që ka kërkuar vrasjen e tij dhe më pas e kanë qëlluar.
Shkodër/Informacion paraprak
Më datë 13.02.2022, rreth orës 19:15, në fshatin Grudë e Re, Shkodër, në rrethana ende të paqarta, në ambientet e një lokali, është vrarë me armë zjarri shtetasi P. T., 47 vjeç, banues në Grudë, Shkodër.
Në vendngjarje kanë shkuar menjëherë shërbimet e Policisë dhe grupi hetimor.
Janë ngritur pika kontrolli dhe vijon krehja e zonës, për të bërë të mundur kapjen e autorit/ëve.
