Kryebashkiaku i Tiranës, Erion Veliaj, i cili është edhe drejtues i fushatës për Bashkitë e Vorës dhe Rrogozhinës, ku do të mbahen zgjedhjet e pjesshme vendore më 6 mars, prezantoi sot kandidatin e Rrogozhinës, Edison Memolla.
Veliaj tha se është e padiskutueshme që në 6 mars, kandidatët e PS do të fitojnë, pasi ne jemi njerëzit e punës.
“Ata të tjerët nuk i duan votat për punë, por për sherr. Ata i duan votat me 6 mars për të diskutuar vendin e 2 apo të 3, që të nisin më pas sherrin për vulat e bravat”, tha Veliaj.
Sipas tij, situata te Lulzim Basha nuk është tragjike, por serioze, ndërsa te Berisha-Meta situata është tragjike, por jo serioze.
” E patë atë kandiatin e Berishës në Rrogozhinë? Lluc që në orën 7 të mëngjesit, e patë atë videon? Tapë ishte që në mëngjes, pasi këta nuk janë njerëzit e punës, por të sherreve. Ne jemi njerëz të punës, ndërsa Saliu dhe Meta ulën automatet për 8 vjet dhe tani kujtohen se ekziston edhe Rrogozhina”, tha Veliaj.
