Deputetja demokrate Greta Bardeli akuzoi Kryeministrin Edi Rama se po shpenzon qindra mijëra euro pvr propogandë, ndërsa shqiptarët jetojnë në varfëri esktreme.
Bardeli tha se janë shpenzuar deri tani 300 mijë euro për propagandë, dhe që nuk i shërbejnë për asgjë, familjeve shqiptare.
Sipas saj, 500 mijë euro ishte afera tjetër e denoncuar nga media dhe PD per Fondin e Zhvillimit për menu në fshatra që skanë bukë të hanë e as rrugë për të shkuar atje.
“Miliona euro ka shpenzuar kryeministri në udhetimet e tij me charter.
Përdoren paratë e shqiptarëve për propaganda, për udhetime luksi, për të mbushur xhepat e kryeqeveritarit të korrupsionit.
Kryeministri shpërdoron taksat e shqiptarëve, ndërkohë që duhet të japë llogari për vjedhjen e shekullit, atë të inceneratorëve, për të cilen duhet të ishte vetë ai para drejtësisë bashkë me ministrin e tij.
Ashtu siç duhet të japë përgjigje për ministrin “kampion” të brendshëm që tashmë rezulton i dënuar zyrtarisht si përgjegjës për kanabizimin e vendit.
Me këta në krye, Shqipëria nuk mund të ketë zhvillim”, tha deputetja demokrate.
Sipas saj, shqiptarët duhet ta braktisin të shkuarën dhe të korruptuarit! “Shqipëria ka nivelin më të lartë të varfërisë në Rajon, ky është një fakt i konfirmuar nga çdo raport ndërkombëtar.
Rreth një e treta e qytetareve jetojnë me më pak se 5 dollarë në ditë. Shqipëria vijon të mbetet vendi me pagën minimale më të ulët në Europë. Shqipëria është vendi me çmimin më të lartë të energjisë.
40% e familjeve nuk arrijnë dot të ngrohin shtëpitë e tyre në këtë acar dimri, 50% e familjeve shqiptare, nuk arrijnë të paguajnë dot më shumë se një vakt të plotë për fëmijët e tyre, 90% e familjeve shqiptare, e shpenzojnë të gjithë buxhetin e tyre, për të përmbushur nevojat bazë për të paguar çmimin më të lartë në rajon të energjisë”, tha ajo.
