“SPAK të veprojë me shpejtësi dhe të mos presë që Edi Rama të shkarkojë ministrat dhe më pas t´i arrestojë”, u shpreh Lulzim Basha, në një konferencë për mediat, ndërsa vijoi denoncimet lidhur me inceneratorët. Basha tha se përmes kësaj afere janë grabitur miliona euro nga taksat e shqiptarëve.
“SPAK të veprojë sot me arrestimet e përgjegjësve”, u shpreh Basha, duke akuzuar Kryeministrin Edi Rama si përgjegjësin direkt të aferës.
“A mund t’i kryente një qeveri 17 procedura në 24 orë pa miratimin e Edi Ramës, siç u bë për inceneratorin e Elbasanit?
A mund të paguheshin 35 mln euro për Inceneratori i Tiranës, ku siç e patë nuk ka përfunduar as 50% të projektit dhe janë faturuar punë të pakryera pa dijeninë e Edi Ramës?”, tha Basha.
Në vijim, ai shtoi se kandidatja aktuale e bashkisë Durrës nga PS, Ermiriana Sako, ka firmosur një tender me vlerë 10 mln euro që ia bën dhuratë kompanisë së inceneratorëve Tiranë. Një tender që i jepet drejtë për drejtë kompanisë që ka marrë 430 mln euro nga xhepat e shqiptarëve.
“Miliona euro kanë shkuar për inceneratorin e Fierit, që siç e patë nga inspektimi i deputetëve tanë, nuk kryhej as diferencim, as riciklim dhe as incenerim. Inceneratori Fierit ishte thjeshtë një fasadë që nuk funksiononte.
Besoj e kuptoni se pse me milionat e parave tuaja u kanë mbyllur gojën mediave që të mos publikojnë denincimet tona dhe të vertetën që tashmë është e qartë si drita e diellit.
SPAK duhet të veprojë sot me arrëstimet e përgjegjesve, mos të presë që Rama ti shkarkojë ministrat e më pas ti arrestojë.
Edi Rama ka bërë gati kurbanin e rradhës për këtë aferë, me shpresën që të shpëtojë vetë. Por s’ka shqiptar që nuk e di që një skeme e tillë korruptive, nuk bëhej pa miratimin e Edi Ramës”, tha Basha.
