Fitorja në derbi e kryeqytetit 1-0 ndaj Dinamos vlejti shumë për skuadrën e Partizanit. Jo vetëm për prestigjin që të jep kjo ndeshje, por dhe për faktin se të kuqtë u kualifikuan për në gjysmëfinalet e Kupës së Shqipërisë.
Ky triumf ka gëzuar tifo grupin e Partizanit, “Ultras Guerrils”, të cilët kanë reaguar në faqen e tyre në Facebook. Tifozët urojnë klubin për por dhe ironizojnë duke theksuar se Kupa është neglizhuar vitet e fundit.
SHKRIMI I PLOTË
Urojmë klubin Partizani dhe drejtuesit e tij, për arritjen e njërit nga objektivat madhor sezonal, atë të kalimit të turit çerekfinal të kupës së Shqipërisë. Padyshim vëmendja e madhe kushtuar këtij turi shkon edhe në proporcion me polemikat, keqmenaxhimin dhe sfumimin e cdo objektivi tjetër sezonal.
Kupa e Shqipërisë është një trofe i lënë në harresë dhe neglizhim për vite të tëra nga Partizani, deri në atë pike sa humbi primatin si rekordmen i këtij trofeu. Ndaj fitorja e 3 ndeshjeve të radhës dhe rrjedhimisht këtij kompeticioni ka rëndësi të vecantë për fanellën dhe tifozerinë e Partizanit !
