Një 42-vjeçar është proceduar penalisht për mosdeklarim parash nga policia, që ka sekuestruar rreth 17 mijë euro.
“Shërbimet e Policisë Kufitare në Morinë, në vijim të kontrolleve për goditjen e paligjshmërisë, bazuar në analizën e riskut dhe kontrolleve me përzgjedhje, në hyrje të RSH-së, kanë kaluar në vijën e dytë, për kontroll më të imtësishëm, automjetin tip ‘Benz’, me drejtues shtetasin A. S., 42 vjeç, banues në Maqedoninë e Veriut. Gjatë kontrollit të ushtruar në automjet, shërbimet e Policisë gjetën dhe sekuestruan 16.950 euro, të cilat ky shtetas nuk i kishte deklaruar”, njoftoi policia.
“Në përfundim të veprimeve të para të kryera nga specialistët e Seksionit për Hetimin e Krimit Ekonomik e Financiar në DVP Kukës, u procedua penalisht drejtuesi i mjetit, shtetasi A.S., 42 vjeç, banues në Maqedoninë e Veriut, për veprën penale ‘Mosdeklarimi i të hollave dhe i sendeve me vlerë në kufi’”, shtuan të njëjtat burime.
