Një krim i rëndë ka ndodhur në Iran, në provincën e Kuzestanit.
Një person akuzohet i ka prerë kokën gruas së tij vetëm 17-vjeçare, me të cilën ishte martuar që në moshën 12-vjeçare.
Për më shumë, në rrjet qarkullojnë video ku autori i krimit të tmerrshëm, i identifikuar si Sajjad Heydari, shëtit në rrugët e qytetit me hanxhar në njërën dorë, dhe kokën e të ndjerës në të tjetrën.
Historia e trishtë e vajzës, e identifikuar fillimisht di “Mona” dhe pastaj si Ghazal, mund të kishte një fund më pak tragjik, sepse ajo ishte larguar fillimisht nga vendi për t’u strehuar prej katër muajve në Turqi.
Kanë qenë babai dhe vëllai i saj të cilët e kishin bindur të kthehej tek burri, edhe pse disa herë më parë ai e kishte kërcënuar me jetë.
Vrasja ka ndezur sërish debatin mbi të drejtat e grave në Iran, veçanërisht ato që ende përkufizohen aty si “krime nderi”.
Legjislacioni është disi përmirësuar vitet e fundit, por sërish akte dhune si përdhunimet në familje dhe martesat në moshë fëmijërore ende nuk trajtohen me rëndësinë e duhur, dhe ligjet janë shumë larg çdo standardi perëndimor.
