Andrija Filipovic, ish-sulmuesi i Partizanit ka firmosur në Kazakistan me Atyrau. Kroati qëndroi vetëm gjashtë muaj me Partizanin, duke u larguar një muaj më parë në merakton e janarit. 24 vjeçari nuk bindi drejtuesit, teksa ishte ndër lojtarët e Superligës me vlerën më të lartë në treg, 500 mijë euro.
Dëmtimi dhe mosbesimi i drejtuesve të Partizanit, bënë që lojtari të pësonte një rënie në vlerë, teksa vlen 325 mijë euro tanimë. Filipovic luan edhe në krahët e sulmit, ndërsa rolin kryesor ka atë të “pykës”.
Firma në Kazakistan është një përvojë e re për sulmuesin, që me Demat luajti 10 ndeshje dhe shënoi dy gola në Kupë. Ekipi i ri i Filipovic qëndron në vendin e 11 në kampionatin kazak, nga 14 skuadra.
