Del ekspertiza për shkakun e vdekjes së 3-vjeçarit në kopështin e Fierit.
Në përfundim, ekspertiza mjeko-ligjore arriti në konkluzionin se i mituri është mbytur me zinxhirin e xhupit.
Rezultati konfirmon versionin e edukatores Redina Binjaku, e cila u arrestua për veprën penale të shkeljes së rregullores në punë.
Në dokumet shkruhej se “në trupin e kufomës, nga këqyrja e jashtme, u konstatua shirit ekimotik strangulimi në qafë, i cili projektohet në pjesën e përparme dhe anësore të qafës dhe me zbehje në të dyja anët e qafës, në nivel të përparmë të muskulit ku projektohet arteria karotide që furnizon trurin me gjak”.
Ngjarja e rëndë u shënua në 7 janar. Fëmija u gjet përmbys nga edukatorja dhe u dërgua në spital pa shenja jete. Familjarët e të miturit kërkuan drejtësi pasi nuk besonin që ishte mbytur aksidentalisht. Kopshti privat “Flatrat e Dijes” në Fier u mbyllur me urdhër të Ministrisë së Arsimit dhe Sportit.
Rezultati i ekspertimit i jep fund dyshimeve.
