Dy shqiptarët e moshës 30 dhe 28 vjeç, Edison Pula dhe Imer Masha, janë arrestuar nga policia italiane. Mediat e huaja shkruajnë se të dy janë kërkuar nga drejtësia pasi kishin kryer rreth pesëdhjetë vjedhje midis provincave Treviso dhe Belluno. Ata u fshehën në një vilë në një fshat të hapur në Carbonera. Sipas hetuesve ata kanë marrë pjesë në goditjet e nëntorit të kaluar në Mogliano, përfshirë goditjen në rezidencën e Giancarlo Miotto.
Ata dyshohet se kanë marrë pjesë në serinë e sulmeve të ndodhura në fund të vitit 2021 në territorin e Mogliano Veneto-s, veçanërisht në grabitjen në vilën e kryer më 14 nëntorin e kaluar ndaj naftëtarit Giancarlo Miotto, 79 vjeç dhe bashkëshortes së tij Irina. Një goditje e bujshme, me një çmim të llogaritur në një milion euro. Ata u kapën nga skuadra celulare Treviso dhe Belluno teksa po bënin pazar në qendrën tregtare “Emisfero” në Silea. Të dy u përpoqën t’i rezistojnë arrestimit, i cili u bë nën vështrimin e disa personave që ndodheshin në zonë.
Edison Pula, ka qenë në kërkim ndërkombëtar, i akuzuar në Shqipëri për tentativë vrasjeje ndaj një komisari policie por edhe për grabitje, trafik droge dhe posedim lëndësh plasëse. Ai ka qenë pjesë e bandës së Niklës, e cila akuzohet për grabitje të dhunshme, rrëmbime si dhe atentat për vrasje.
Burimi: Trevisotoday
