Iker Casillas duket se e ka lënë përfundimisht pas krahëve martesën me Sara Carbonero-n. Ish-portieri i Real Madrid duket se po shoqërohet me influencer-en spanjolle Rocio Osorno.
Lajmi është raportuar nga Lectura. Lidhja ka mbetur sekret deri tani, por duket se tani çifti nuk ka asnjë dëshirë të fshihet. Të dy duket se kanë jetuar disa momente intimiteti, mes të cilëve edhe një arratisje romantike.
Casillas dhe Sara janë ndarë vitin e kaluar. Për çiftin kanë qenë vite të vështirë: në fillim problemet në zemër të ish-lojtarit, më pas tumori në vezore i gazetares.
Të gjithë e mbajnë mend deklaratën e dashurisë, me puthje në lidhje të drejtpërdrejtë, pas triumfit të Spanjës në Botërorin e 2010-ës.
