Përkeqësimi i motit mbrëmjen e së hënës u shkaktoi dëme fermerëve në Divjakë. Stuhia që solli shi dhe erë të fortë dëmtoi serat diellore duke u grisur plastmasin rrethues. Serat e dëmtuara kapin një sipërfaqe të konsiderueshme dhe kosto për këto dëmtime është me e lartë pasi mësohet se shume serra sapo ishin ndërtuar.
Veç plasmasit të serrave dëmtime kane pësuar dhe bimët që nuk përballojnë dot temperaturat e ulëta. E marta ka qenë një ditë e mundimshme për të gjithë sepse po punohet në garë me kohën për të shpëtuar çfarë i ka rezistuar depërtimit të ftohtit në serra.
