Trashësia e reshjeve të dëborë në Korçë ka arritur deri në 20 centimetra.
Sipas ARRSH, të gjitha akset janë të hapura pasi është punuar gjatë gjithë natës dhe ka ndihmuar fakti që temperaturat nuk kanë qenë nën minus, çka e ka bërë më të lehtë punën e borëpastrueseve.
Ditën e djeshme, 7 shkurt ka pasur probleme me energjinë elektrike në njësinë administrative të Trebinjës.
Ndërsa sot, 8 shkurt në njësinë administrative Proptisht kanë ngelur mbi 10 fshatra pa energji elektrike, ku është duke u punuar për riparimin e dëmtimeve.
Janë disa zona malore në juglindje të cilat kanë probleme të herëpashershme me shkëputjen e energjisë elektrike por edhe bllokimin e rrugëve, për shkak të terrenit të vështirë malor.
Më e vështirë është situata në qarkullimin normal të automjeteve në Mokër te Pogradecit, Panarit te Korçës, Moglicë e Gorë te Maliqit. Rrugët rurale janë duke u hapur nga punonjësit e pushtetit lokal, ndërkohë këshillohet kujdes i shtuar.
Gjithë akset nacionale janë të hapura, pa probleme dhe është duke u bërë kriposja e rrugëve. Gjithashtu këshillohet përdorimi i gomave dimërore.
