Ka zgjatur rreth 3 orë seanca e tretë për shkarkimin e Presidentit Ilir Meta. Pasi palët dhanë konkluzionet e tyre përfundimtare, Gjykata Kushtetuese mbylli seancën dhe është tërhequr për vendim. Vendimi i zbardhur do të publikohet brenda 30 ditëve.
Ditën e sotme, përfaqësuesit e Presidentit paraqitën përgjigjet për 72 pyetjet që patën anëtarët e Gjykatës Kushtetuese dhe përfaqësuesit e Kuvendit si palë në gjykim, gjatë seancës së kaluar.
Pas kësaj, gjykata vendosi 1 orë pushim që pala mbrojtëse të përgatitej për konkluzionet përfundimtare.
Pasi rinisi seanca në orën 12:00, se e para që parashtroi diskutimet përfundimtare ishte Klotilda Bushak, si përfaqësuese e Kuvendit. Ajo kërkoi që Meta të shkarkohej pasi ka shkelur rëndë kushtetutën. Bushka përmendi të gjitha shkeljet e Metës sipas vlerësimit të Kuvendit. Bushka ka thënë ndër të tjera se procesi i nisur ndaj Metës duhet që të japë një goditje të kulturës së pandëshkueshmërisë së zyrtarëve të lartë që shkelin Kushtetutën. Sa i përket kthimit të dekreteve, Bushka tha se Kuvendi i ka cilësuar ato si shkelje të Kushtetutës.
Përfaqësuesi ligjor i presidentit Ilir Meta, Bledar Dervishaj, deklaroi për gazetarët se Kuvendi, për qëllime politike, depozitoi në gjykatë prova shkresore të manipuluara. Ai lajmëroi se Presidenti ka vendosur t’i drejtohet prokurorisë lidhur me këtë çështje.
