Ish-Kryeministri Sali Berisha ka prezantuar sot kandidatin e koalicioninit “Shtëpia e Lirisë” për bashkinë e Durrësit, Ardian Muka.
Takimi është zhvilluar në Sukth, ku qindra demokratë janë mbledhur për të startuar fushatën e 6 marsit.
“Afër Durrësit, ndodhet një qendër e helmeve më të rënda, lindanit. Ne bashkë me Bankën Botërore, me një shumë prej 3 milionë dollarësh e mbyllëm në mënyrë prefekte.
Kurse këta për mbetjet e zakonshme urbane, e realizuar me një shumë 15 milionë euro. 6 herë më të madhe. Pse? Sepse janë bashkëaksioner, Zoto me kompaninë tjetër të Lul Bravës”, tha Berisha.
Duke hedhur akuza ndaj Edi Ramës dhe Lulzim Bashës, Berisha u ndal në atë që e konsideroi afera më e madhe me Portin e Durrësit.
“Po u pret kafshatën 12 mijë familjeve që ushqeheshin në Port, për të shndërruar 800 mijë metra katrorë në një zonë ndërtimesh. U tha për Emarin, por tani del për Edvinin dhe Lul Bravën, për të larë miliarda para droge”, u shpreh Berisha.
Sipas tij, qeverisja e Vangjush Dakos dhe Edi Ramës e ka kthyer Durrësin në kryeqytetin e betonit.
‘Qeverisje që e shndërroi Durrësin në kryeqytetin e betonit.
Kjo qeverisje zhvilloi në Durrës një prej mafiave më të rrezikshme, që ky qytet nuk e meriton.
Durrësi ka parë ndër shekuj perandori dhe hordhi të huaja. Asnjëra prej tyre nuk ka menduar t´ja heq portin qytetit. Porti dhe qyteti janë si trupi me zemrën, të lidhur me njëri tjetrin.
Kjo qeveri në mënyrë më të papërgjegjshme, pas një nga aferat më të mëdha të Europë, duke prerë kafshatën e mbi 12 mijë familjeve që ushqeheshin në Port, për të shndërruar 800 mijë metra katrorë në një zonë ndërtimesh. U tha për Emarin, por tani del për Edvinin dhe Lul Bravën, për të larë miliarda para droge.
T’ia presin me sëpatë 3 mijë vite histori. Babëzia, lukunia nuk ka fund te këta njerëz.
Nuk ka qëndrim më armiqësor ndaj qytetarëve të Durrësit dhe shqiptarëve’, tha Berisha.
