Ambasadorja amerikane në vendin tonë, Yuri Kim ka deklaruar se do ta ndjekë nga afër “çështjen e inceneratorëve”.
Në një postim në Twitter ajo u bën thirrje autoriteteve dhe institucioneve të shqyrtojnë dhe të ndërmarrin veprimet e duhura për këtë çështje, ndërsa thekson se Forcimi i institucioneve demokratike dhe lufta ndaj korrupsionit janë prioritetet e SHBA-së në Shqipëri.
“Forcimi i institucioneve demokratike dhe lufta ndaj korrupsionit janë prioritetet e SHBA-së në Shqipëri. Mirëpresim zgjatjen e komisionit parlamentar për inceneratorët. Ne u bëjmë thirrje të gjitha autoriteteve dhe institucioneve përkatëse të shqyrtojnë dhe të ndërmarrin veprimet e duhura. Ne do ta ndjekim këtë nga afër”, shkruan Kim.
Për çështjen e inceneratorëve, është pas hekurave ish-ministri i Mjedisit Lefter Koka, ndërsa në kërkim janë shpallur Klodian Zoto dhe Strela Gugallja, pronarët e kompanive që kanë përfituar koncesionet e inceneratorëve.
Plot 400 mln euro janë dhënë nga autoritetet për 3 djegësa, Tiranë, Elbasan dhe Fier, që konsiderohen si skandali më i madh korruptiv në të gjithë vitet e tranzicionit.
Opozita ka akuzuar se koka e kësaj afere është Edi Rama, ndërkohë që në SPAK janë depozituar kallëzime të ndryshme nga PD, LSI, e “Nisma Thurrje”.
Një komision hetimor parlamentar është ngritur për çështjen, që pritet të mbyllet më 25 Shkurt.
Lexo edhe:
Inceneratorët, dështim me sukses i Bashës e Tabakut. Ja si hetimi parlamentar i “vuri kapak” aferës
