Gjyshërit e 19-vjeçarit, Alkis Kampanos i cili u vra nga një shqiptar (ende i paidentifikuar) janë të shokuar nga ajo që i ndodhi nipit të tij. Gjyshërit e viktimës thonë se nuk kishte fëmijë si ai në botë, ishte i dashur dhe zemërmirë.
“Nuk kishte asnjë fëmijë të tillë në botë. Nga mirësia, nga dashamirësia, i lumtur, kjo është gjithçka që kam për t’ju thënë,” tha gjyshja e 19-vjeçarit.
23-vjeçari shqiptar i arrestuar si personi i dyshuar për vrasjen e të riut ka qënë dhe më parë i dënuar për dhunë. Hetimet për vrasjen e të riut janë ende në vijim e sipër pasi po hetohet nëse ka persona të tjerë të përfshirë në vrasje. Ditën e djeshme, shqiptari i cili u përball me trupën gjyqësore mohoi akuzat e ngritura ndaj tij. Dëshmitarët janë shprehur se viktima u gjend në momentin dhe në kohën e gabuar.
Si ndodhi ngjarja dhe arrestimi i 23-vjeçarit?
Mëngjesin e ditës së martë, 10 ultras të “Bicepsit të Veriut” sulmuan Alkis Kampanos dhe dy miqtë e tij. Ata janë tifozë të klubit të njohur helen AEK. 23-vjeçari goditi barbarisht me thikë 19-vjeçarin Kampanos. Ngjarja e rëndë u fiksua nga kamerat rreth vendngjarjes. Arrestimi i vrasësit u bë i mundur nga identifikimi i targave të njërës prej automjeteve të huliganëve të “Bicepsit të Veriut”. Në momentin e arrestimit thuhet se ai u përgjigjur oficerëve të policisë se nuk e ka idenë përse është arrestuar. Mediat në Greqi e konsiderojnë shqiptarin e arrestuar një nga huliganët më të rrezikshëm në vend.
Burimi: ‘Protothema‘
