Presidenti Ilir Meta ka reaguar lidhur me rritjen e çmimeve në vend.
Kreu i shtetit shprehet se ekonomia nuk mund t’u lihet në dorë aventurierëve, që po varfërojnë shqiptarët dhe po falimentojnë Shqipërinë.
Më tej, në një postim në FB, shton: “Me nivelin më të ulët të pagës minimale krahasuar me vendet e rajonit, rritja e çmimeve në Shqipëri nuk ka të ndalur. Sipas të dhënave të EUROSTAT aktualisht, paga minimale në shkallë vendi është: Në Shqipëri 248.4 Euro. Në Maqedoninë e Veriut 366.1 Euro. Në Serbi 401.4 Euro. Në Malin e Zi 532.5 Euro. Ndërkohë nga fillimi i shkurtit 2022, çmimet e karburanteve në Shqipëri u rritën sërish me gati 8 lekë për litër, duke arritur nivele rekord, teksa po i afrohen 200 lekëve për litër. Në muajt e fundit të vitit 2021 dhe fillim të 2022, familjet shqiptare, përveç karburanteve, pothuajse çdo produkt po e blejnë më shtrenjtë. Çmimet e ushqimeve janë rritur me 4.5%. Shërbimet e transportit janë rritur me 6.9%. Shpenzimet familjare për shëndetësinë janë rritur me 28%”.
“Çmimet në Shqipëri i vendosin oligarkët dhe jo tregu”, e mbyll reagimin Meta.
