Eduard Kuçi u rikthye në “Për’puthen” dhe mesa duket i rrëmbeu menjëherë zemrën Ana Lleshit. Në “Për’puthen Prime” mbrëmjen e së shtunës, Ana puthi Edin në buzë, i cili më pas pati një konflikt me Erionin. Të dy thanë se konflikti nuk ishte prej Anës, por Arjani nuk e besoi.
Kur Ana filloi të qante, Arjani i tha se të vazhdojë të qajë pasi ajo e ka fajin dhe Ana u largua nga studioja.
Ditën e djeshme, Elona Duro, e cila zëvëndëson Borën e sëmurë, tha se Ana nuk ndihet mirë dhe se ka menduar dhe të largohet nga programi bashkë me Edin.
Së fundmi, gjatë një videolive me Kozakun në “TikTok”, Edi tregoi se ka sharë me fjalë shumë të rënda opinionistin Arjan Konomi dhe i ka hedhur mikrofonin.
Kjo gjë nuk është diskutuar në “Për’puthen” ende dhe mbase pritet të diskutohet gjerë e gjatë në “Për’puthen prime” të shtunën dhe të publikohen pamje nga çfarë ka ndodhur.