Policia në Kurbin ka ndaluar shtetasin Sandër Nezha, 57 vjeç, pasi ka dyshime se ka shkatërruar dy shtylla elektrike që bëjnë shpërndarjen e energjisë elektrike në disa zona në Laç dhe Lezhë, duke i vjedhur elementet lidhëse (si pllakat e bullonat), ku si pasojë janë rrëzuar shtyllat elektrike dhe ndërprerë furnizimi me energji elektrike në këto zona.
Materialet hetimore për këtë rast u referuan në Prokurorinë e Rrethit Gjyqësor Kurbin, për veprime të mëtejshme, për veprën penale “Shkatërrimi i rrjetit elektrik”.
Njoftimi i policisë:
Kurbin
Specialistët për Hetimin e Krimeve në Komisariatin e Policisë Kurbin bënë ndalimin e shtetasit Sandër Nezha, 57 vjeç, banues në Laç, Kurbin.
Ky shtetas dyshohet se ka shkatërruar dy shtylla elektrike që bëjnë shpërndarjen e energjisë elektrike në disa zona në Laç dhe Lezhë, duke i vjedhur elementet lidhëse (si pllakat e bullonat), ku si pasojë janë rrëzuar shtyllat elektrike dhe ndërprerë furnizimi me energji elektrike në këto zona.
Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme, për veprën penale “Shkatërrimi i rrjetit elektrik”.
