Autoritetet kanë njoftuar lejimin e qarkullimit të kamionëve drejt Greqisë nga pika kufitare e Kapshticës.
“Nga autoritetet e policisë greke, jemi njoftuar se është lejuar lëvizja e mjeteve e tonazhit të rëndë (kamiona) në drejtim të Greqisë. Ndërsa në Pikën e Kalimit Kufitar Qafë Thanë, aktualisht vijon të mbetet i ndaluar kalimi i tyre”, njofton stacioni i Policisë Kufitare Kapshticë.
Një ditë më parë, u njoftua ndalimi i qarkullimit të kamionëve nga autoritet greke dhe maqedonase. Sipas policisë, vendimi erdhi “për shkak të reshjeve të dendura të borës në Maqedoni dhe Greqi, vështirësive në lëvizje e prezencës së akullit në rrugë”.
