Top Story, ka siguruar dosjen me dëshmitë rreth ngjarjes. Sipas dokumenatve të togave blu, vajza ka qënë me nënën për të mbledhur kanoçe, ditën që Shpëtimi e ekzekutoi. Ky i fundit ka hyrë në një lokal me vajzën e vogël ndërsa pjesa tjetër e familjes ka shkuar për të mbledhur hekurishte.
Pasi kanë mbledhur një thes kanë shkuar në shtëpi. Shpëtimi nuk ishte kthyer ende. Ato kanë dalë përsëri për të mbledhur kanoçe. Kur janë kthyer herën e dytë e kanë gjetur Shpëtimin në gjumë. Ai është zgjuar dhe ka filluar të pyeste se ku ishin.
“Babi u ngrit nga krevati dhe më pas e rrafi mamin. Babi e rrafi me duar dhe me dërrasa, me shkop me hekra. Mami i thoshte mos më rrif se do bëhesh pishman. Kur ra përdhe babi e ngriti mamin dhe e coi te krevati. Mami kishte gjak te hunda. Ajo i tha më co në spital. Më pas fjetëm te krevati babi, unë motra dhe mami. Ne kemi vetëm një krevat në shtëpi. Kur u ngrit babi në mëngjes më tha se mami ka vdekur’ u shpreh vajza 7 vjecare
Sipas ekspertizës mjeko – ligjore, rezultoi se Manushaqja kishte 48-72 orë që kishte ndërruar jetë. Gjatë kësaj kohe Shpëtimi sëbashku me dy vajzat e mitura kishin fjetur në një krevat me Manushaqen e vdekur. Një situatë horror që kanë përjetuar dy vajzat e mitura.
Shpëtimi është munduar që të krijojë një alibi për të humbur gjurmët e ngjarjes. Një natë pasi kishin fjetur në një krevat me kufomën nisen drejtë qytetit të Sarandës. Shpëtimi me dy vajzat e mitura qëndroi një natë te vëllai i tij. Aty ka rrëfyen krimin që ka kryer dhe kërkoi ndihmë.
Pasi kthehet në shtëpinë ku kishte braktisur kufomën e bashkëshortes, njofton fqinjën e tij. Shpëtimi inskenon sikur natën që nuk ka qënë në shtëpi i kanë vrarë bashkëshorten. Por dëshmia e vajzës së madhe do ta detyrojë që të pranojë krimin e kryer.
“Bashkëshortja ime më tradhtonte. Mu më kishte mërzitur shumë sjellja e saj dhe kur ka ardhur në shtëpi e kam qëlluar me pëllëmbë. Ajo u përplas në mur dhe ra në tokë. Njëra dorë dhe njëra këmbë i ranë në zjarr. Unë e mora në krah dhe e vura në krevat por ajo nuk kishte më shenja jete. Koka i ishte çarë dhe unë ia mjekova me raki” u shpreh Shpëtim Çeliku.
Kjo është një pjesë nga dëshmia që Shpëtim Çeliku ka dhënë për uniformat blu. Por këto do të rezultonin më pas gënjeshtra. Sipas ekzaminimit mjeko ligjor dhe autopsisë, Manushaqja ishte torturuar e më pas ishte mbytur deri sa ndërroi jetë.
Sipas të dhënave dhe këqyrjes së kufomës konfirmohet se ajo është dhunuar. Janë evidentuar plagë të shumta në kokë, fytyrë dhe në trup. Viktima ka plagë me thellësi deri në koçkë, janë konstatuar gjymtyrë të thyer, djegje në organet gjenetale si dhe në qafë ka brazda të strangulimit. Pra nuk ka qënë vetëm një shuplakë siç ka pretenduar në fillim autori. Këto plagë janë shkatuar nga mjete të forta prerëse, siç është edhe sqepari që është sekuestruar si provë në vendin e ngjarjes.
Ajo që është më e frikshme në gjithë këtë vrasje është fakti që Manushaja ishte shtatzanë. Fetusi i saj, një djalë i shëndetëshëm 6 mujash, nuk do të vinte dotë në jetë pasi babai vendosi që ti vrasë nënën.
Ky baba ka detyruar dy vajzat e mituar 3 dhe 7 vjeç që të flenë në një krevat të larë në gjak, me kufomën e nënës së tyre. Por për këtë krim monstruoz Shpëtim Çeliku do të dënohej vetëm 25 vite.
Manushaqe Balla, me mbiemrin e vajzërisë prehet në fshatin e lindjes, në Babje të Librazhdit. Ndërsa dy vajzat e mituar janë strehuar nga shteti në fshatin SOS.
