Rruga e Arbrit në bypass-in Qafë Murrizë është bllokuar pas reshjeve të dëborës që kanë përfshirë qarkun e Dibrës.
Policia njofton se kontraktorët po punojnë për hapjen e saj, si dhe apelon apelon për të gjithë drejtuesit e mjeteve që lëvizin në drejtim të Tiranës dhe anasjelltas nëpërmjet bypass- Qafë Murrizë, të ndjekin aksin rrugor Klos-Burrel-Ulëz dhe të mos shkaktojnë trafik.
Në akset rrugore Bulqizë-Peshkopi; Bulqizë-Klos; drejtuesit rekomandohet të mos qarkullojnë pa goma dimërore dhe të jenë të pajisur me mjetet antirrëshqitëse.
Policia e Rrugore apelon për të gjithë drejtuesit e mjeteve që të tregojnë kujdes të shtuar në drejtimin e mjetit, të shmangin lëvizjet e panevojshme, të moderojnë shpejtësinë dhe të mos bëjnë manovra të rrezikshme në rrugë.
“Në rast nevoje për ndihmë, telefononi në numrin 112 ose dërgoni njoftim në Komisariatin Dixhital”, mbyllet njoftimi i bluve.
