Kola shkruan se Firmat për referendumin u mblodhën në mungesë të plotë transparence dhe caktuan vetë një datë arbitrare për kuvend dhe organizuan paralelisht, pa asnjë procedurë transparente mitingun ku s’e njihte i pari të dytin.
Sipas tij e njëjta gjë ndodhi dhe me pruimaret në Durrës, ku në dund dolën më shumë vota se votues.
Kola shkruan se faktet e pakundërshtueshme që të gjitha proceset e shitura me tam-tam të madh në mediat e oligarkisë, kanë qenë të inskenuara, të manipuluara dhe të dizenuara për të manipuluar demokratët e frikësuar kritikët.
Postimi:
Siç manipuluan shifrat e Njësisë 8 në Tiranë, manipuluan edhe shifrat e Fahri-primareve të Durrësit. Siç manipuluan fahri-primaret e Durrësit, kanë manipuluar çdo proces deri tani:
1) Firmat për referendumin u mblodhën në mungesë të plotë transparence, u futën në një kasafortë të drynosur, përfunduan në copa letrash që lexohenin emra njerëzish të paverifikueshëm, shpeshherë të përfshirë në listë pa dhënë nënshkrimin.
2) Caktuan vetë një datë arbitrare për kuvend dhe organizuan paralelisht, pa asnjë procedurë transparente mitingun ku s’e njihte i pari të dytin. Verifikimin e bënë vetë në borë e suferinë, as nuk botuan ndonjë raport formal me të dhënat identifikuese të pjesëmarrësve. Vetëm tundnin nëpër televizione kartonat me nr. 4446 që vetë e shkruan vetë e vulosën.
3) Organizuan “referendum”, që ç’referendum zeza qe ai ku një personi votoi mesatarisht 6 herë [kampionimi tek njësia 8]. Edhe nga ata që hynë në qendrën e votimit, rreth 180 vetë, 1/3 ose rreth 60 vetë, doli nga pamjet filmike se nuk ishin fare anëtarë të PD.
4) Orkestruan fahri-primaret ku rezulton se në Durrës janë raportuar 3 herë më shumë vota se sa njerëz që kanë hyrë në qendrën e votimit. Nga 1546 vota të deklaruara në Fahri-procesverbal, pamjet filmike tregojnë se kanë marrë pjesë vetë 612 vetë. Pra çdo votues del se ka votuar 2 herë e gjysëm. Po se kush janë këta njerëz, janë anëtarë a janë njerëz të huajtur nga LSI, një Zot e di.
Këto janë shifrat kokëforta, faktet e pakundërshtueshme që të gjitha proceset e shitura me tam-tam të madh në mediat e oligarkisë, kanë qenë të inskenuara, të manipuluara dhe të dizenuara për të manipuluar demokratët e frikësuar kritikët.
E bardha mbi të zezë po del në dritë se analistët dhe mediat oligarkisë, që i bienin daulles “Basha mbaroi!”, “Berisha e mori PD-në!”, ishin ata idiotët e padobishëm fare, mendjelehtët që mbajtën pezull debatin publik duke ia bërë kaq të lehtë jetën Edi Ramës dhe regjimit.
Shumica, 80%-ëshi, baza, pakica e pakicës, shoqata Basha-Bardhi, të gjitha këto mufka të abuzuara po del se ishin projeksione të kompleksit të tyre. Votat e Gones edhe i keni tepër. E dimë edhe këtë.
