Pas zyrtarizimit të koalicionit mes Komisionit të Rithemelimit dhe LSI, për zgjedhjet e 6 marsit, LSI ka dërguar në KQZ kërkesën për regjistrim të koalicionit zgjedhor të quajtur “Shtëpia e Lirisë.”
“Partia Lëvizja Socialiste për integrim si parti udhëheqëse e koalicionit, i kërkon Komisionit Qendror të Zgjedhjeve regjistrimin e koalicionit zgjedhor për zgjedhjet e pjesshme vendore të datës 6 mars 2022. Emri i koalicionit është ‘Shtëpia e Lirisë’. Partitë përbërëse të koalicionit janë LSI, Partia Demokratike e Shqipërisë-Komisioni i Përkohshëm i rithemelimit dhe Partia demokristiane”, thuhet në dokument.
Koalicionit “Shtëpia e Lirisë” i është bashkuar dhe Partia Demokristiane e Nard Ndokës.
