Kreu i Partisë Socialdemokrate dhe presidenti malazez, Milo Gjukanoviq konfirmoi se partia që udhëheq do të votojë për modelin e qeverisë së pakicës.
Kuvendi malazez pritet të mbajë një seancë parlamentare gjatë këtij muaji për shkarkimin e qeverisë së drejtuar nga kryeministri Zdravko Krivokapiq.
“DPS është gati të votojë për qeverinë e pakicës, sepse kjo është zgjidhja më e mirë se situata katastrofike në të cilën Mali i Zi është në krye të qeverisë aktuale”, tha ai.
Në një intervistë për agjencinë MINA, Gjukanoviq tha se ai e konsideron qeverinë e pakicës si alternativën më të keqe ndaj asaj aktuale, por, siç tha ai, për momentin nuk ka gatishmëri të subjekteve parlamentare për të mbështetur zgjidhje të tjera.
Ai beson se qeveria minoritare duhet të zgjasë një vit dhe se është shumë e rëndësishme të përcaktohen prioritetet me të cilat do të merret në atë periudhë.
Ndryshe, qeverinë e pakicës e mbështet edhe politikani shqiptar dhe lideri i URA-s, Dritan Abazoviq.
