Ndeshja mes Teutës dhe Skënderbeut i ktheu buzëqeshjen durrsakëve, të cilët i dhanë fund serisë prej katër humbjesh radhazi me suksesin minimal 1-0. Por ndeshja nuk ishte pa pasoja për ekipin e drejtuar nga Renato Arapi.
Përveç kartonit të kuq të Dacit, i cili do të mungojë në ndeshjen e radhës, bregdetarët kanë vuajtur edhe pasojat e një përballje shumë fizike, me përplasje të forta që nuk kanë kaluar pa probleme. Një prej tyre ishte edhe ajo e Harallamb Qaqit, i cili mori një goditje në kokë, por shtrëngoi dhëmbët dhe vazhdoi deri në fund sfidës për të ndihmuar ekipin të merrte tre pikë të rëndësishme.
Vetëm lojtari ka postuar në rrjetet sociale pasojat e këtij dëmtimi, teksa duket qartësisht lëndimi pranë syrit. ”Nuk ishte i kuq”, shkruante me ironi mbrojtësi i durrsakëve, duke bërë të qartë se mendonte që gjyqtari kite falur në këtë rast kundërshtarët duke lejuar lojë të ashpër.
