Autoriteti Rrugor Shqiptar ka njoftuar përfundimin e punimeve të asfaltimit në segmentin “Qafë Kashar-Rinas” (aeroport).
Sipas ARRSH, sot, ky segment do të jetë i hapur dhe do të vijojnë punimet për fazën e tretë. Duke filluar nga data 02.02.2022, segmenti “Ahmetaq-Rinas” (aeroport) do të jetë i mbyllur.
“Kërkojmë mirëkuptimin dhe bashkëpunimin e drejtuesve të mjeteve dhe bizneseve të zonës gjatë procesit të ndërhyrjes në këtë aks rrugor, si dhe respektimin në mënyrë rigoroze të sinjalistikës provizore dhe udhëzimeve të Policisë Rrugore në terren”, njofton ARRSH.
