Gjykata e Kurbinit ka vendosur masat e sigurisë arrest në burg për 5 personat që u arrestuan dy ditë më parë gjatë aksionit “Storm” të Policisë Tiranë, Prokurorisë së Tiranës dhe policisë së Kurbinit për tentativa vrasje dhe grabitje.
Kështu, në burg u lanë Ibrahim Difa, Damian Lleshaj, Robert Laci, Ilirjn Feci dhe Erjon Mulaj.
Këta persona akuzohen për grabitje dhe tentativa vrasje për të cilën ishin paguar 20 mijë Euro.
Ibrahim Difaj dhe Shpëtim Kraja ishin autorë të disa grabitjeve. Jo vetëm kaq, por nga hetimet rezultoi se në Gusht të 2021-it, ai dhe Ilirian Feçi, të paguar nga Robert Laci me 20 mijë Euro, tentuan të vrisnin me armë zjarri Alfred Gjokën në fshatin Adriatik Fushë-Kuqe.
Difaj dhe Shpëtim Kraja në 14 Janar të 2022, në Qafë Kashar janë përplasur me armë me policinë. Duke lëvizur me makinë bashkë me një tjetër person të shpallur në kërkim, pasi nuk i janë bindur policisë për të qëndruar, janë aksidentuar.
Ata kanë zbritur nga makina të tre dhe kanë qëlluar në drejtim të policisë e më pas janë larguar.
