E ardhmja e Armando Brojës në këto momente duket e paqartë, sa i përket sezonit të ardhshëm pasi këtë aktual do ta mbyllë të Southemptoni. Klubi dëshiron ta mbajë dhe ka bërë kërkesë për transferimin përfundimtar të tij. Chelsea është i pavendosur nëse do të kthejë në bazë, shesë apo ta japë përsëri në huazim. Ndërsa ka klube të tjera që janë të gatshëm të hyjnë në garë për lojtarin i cili i ka mahnitur të gjithë në Angli në këtë edicion.
Vetë Broja duket se nuk është kundër qëndrimit te Southempton, pasi është përshtatur mirë me ambientin dhe me skuadrën, duke u kthyer shpejt në një idhull të tifozerisë. Por për të qëndruar, raportohet se i ka vendosur një kusht të panegociueshëm klubit ku gjendet aktualisht që të pranojë ofertën që i kanë bërë, gjithmonë nëse Chelsea vendos ta shesë.
Lojtari ka bërë të qartë se dëshiron që të luajë në Premier Ligë e jo një kategori më poshtë. Kështu, skuadra e drejtuar nga Ralf Hasenhutl, e cila për momentin ka një distancë prej 10 pikësh nga zona e rënies, duhet të ketë të sigurt që të qëndrojë në elitë në edicionin e ardhshëm nëse dëshiron të sigurojë një “po” nga ai. Broja mendon se duhet të vazhdojë të luajë në elitë dhe kjo është e vetmja gjë që i ka kërkuar Southemptonit si :garanci. Gjithsesi, mediat pranë klubit raportojnë se futbollisti ka shtyrë çdo vendim për të ardhmen në verë, pasi dëshiron të fokusohet në pjesën e dytë të sezonit të e loja e tij, par të ndihmuar Southempton që të sigurojë sa më parë pikërisht këtë mbijetesë.
