Pasi u lirua nga detyra, ish-zëvendësministrja e Financave dhe Ekonomisë, Dajna Sorensen duket se ka gjetur një angazhim të ri.
Me anë të një postimi në rrjetin social Facebook, ajo ka bërë të ditur se është rikthyer në Bangladesh, pas 13 vitesh.
Në postimin e saj, shumë prej ndjekësve e kanë uruar për “fillimin e ri” duke lënë të kuptohet se ajo ka gjetur një punë të re në shtetin lindor në Indi.
“Kthehem në Dhaka pas 13 vitesh”, ka shkruar Sorensen në postimin e saj.
Kujtojmë se më 24 dhjetor të 2021, Sorensen është liruar nga detyra e zv.ministres së Financave dhe Ekonomisë dhe në vendin e saj është emëruar Olta Manjani.
Ajo është emëruar në krye të këtij posti në vitin 2017, dhe qëndroi për 4 vite. Sipas jetëshkrimit, Sorensen mban gradën Master në Ekonomiks nga Universiteti i Guelph, në Ontario, Kanada. Ka përfunduar studumet e larta në Ekonomiks, pranë Western Washington University, në Shtetet e Bashkuara të Amerikës.
