Ministria e Shëndetësisë së Kosovës ka raportuar katër vdekje si dhe 3,617 raste të reja të infektimit me COVID-19, nga 13,928 testime.
Në njoftimin e MSH-së, që i referohet të dhënave të 24 orëve paraprake, bëhet e ditur se janë shëruar edhe 1,344 pacientë.
Aktualisht, në Kosovë janë 31,021 raste aktive me koronavirus.
Gjatë këtyre 24 orëve, Ministria e Shëndetësisë njofton se janë dhënë 4,316 doza të vaksinës kundër COVID-19. Deri më tani, të vaksinuar plotësisht me dy doza të vaksinës janë 804,251 persona.
