Katër persona janë arrestuar lidhur me ngjarjen e ndodhur më 20 nëntor 2020, ku dy grupe personash qëlluan me armë zjarri në drejtim të njëri – tjetrit.
Policia ka ekzekutuar 3 masa sigurie “Arrest në burg”, dhe 1 masë sigurie “Arrest në shtëpi”.
Në pranga u vunë:
-Shaqir Tollja, 53 vjeç, banues në Bulqizë, (me masë sigurie arrest në burg)
-Erlind Tollja, 25 vjeç, banues në Bulqizë, (me masë sigurie arrest në burg)
-Aleksandër Algeri, 34 vjeç, banues në Tiranë, (me mase sigurie arrest në burg , aktualisht ndodhet i ndaluar për një tjetër vepër penale në burgun 313 Tiranë).
-Loraldo Lika, 29 vjeç, banues në Bulqizë, (me masë sigurie arrest në shtëpi).
Policia njoftoi se: ”Nga tërësia e veprimeve hetimore të kryera, informacionet e marra në rrugë operative dhe provave ligjore (shkencore) të siguruara, është arritur të dokumentohet ngjarja e ndodhur në datën 20 nëntor 2020, në aksin rrugor Bulqizë-Fushë Bulqizë, ku për shkak të një konflikti të mëparshëm për motive pronësie, shtetasit Shaqir Tollja dhe Erlind Tollja, duke udhëtuar me automjetin e tyre, kanë qëlluar me armë zjarri në drejtim të automjetit që udhëtonin shtetasit B.S.(Z), dhe Aleksandër Algeri, të cilët u janë kundërpërgjigjur duke qëlluar me armë zjarri. Nga hetimet e kryera ka rezultuar se në këtë ngjarje është përfshirë dhe shtetasi Loraldo Lika, i cili ka kryer veprime për të penguar zbulimin e së vërtetës”, njoftoi policia.
“Prokuroria Pranë Gjykatës së Shkallës së Parë Dibër ka urdhëruar ekzekutimin e vendimit penal të Gjykatës së Shkallës së Parë Dibër e cila ka caktuar masat e sigurimit të arrestit për këto shtetas si të dyshuar për veprat penale të ‘Vrasjes me paramendim’, e kryer në bashkëpunim, e mbetur në tentativë, ‘Mbatje pa leje dhe prodhim i armëve, armëve shpërthyese dhe i municionit’, ‘Veprime që pengojnë zbulimin e së vërtetës’”, shtuan të njëjtat burime.
