Ish-ministri i Drejtësisë, Ylli Manjani, i ftuar në emisionin A Show të moderatorit Adi Krasta, komentoi situatën aktuale politike në vendin tonë.
Manjani theksoi se Shqipëria sot është në pikën më të keqe të mundshme, duke shtuar se kemi edhe opozitë të shitur.
“Ka lidhje të drejtpërdrejtë mes demokracisë dhe korrupsionit. Në Maqedoninë e Veriut janë bërë shumë palë zgjedhje, kurse në Shqipëri nuk përmend dot fjalën “zgjedhje të parakohshme”. Qeveritë që qelben në pushtet janë të korruptuara. Shqipëria sot është në pikën më të keqe të mundshme.
Na është shitur edhe opozita, ne kemi opozitë të korruptuar dhe prandaj çështja është akoma më e rëndë. Ironikisht, në këtë kohë bëjmë reformë për të luftuar korrupsionin, në kohën që korrupsioni vetëm rritet. Shqipëria ka rrëshkitur në honet e qoftëlargut e është në vend të fundit për korrupsion. Lufta ndaj korrupsionit është kthyer në betejë për hakmarrje politike. Situata politikisht është katastrofike aktualisht. Sot me drogë ka njerëz që mbajnë familjen me bukë. SPAK është ngatërruar keq. Korrupsioni është qeveria, mos e kërkoni askund tjetër, jashtë qeverisë ka bakshish, por jo korrupsion”, deklaroi Manjani.
