Florian Marku i ka gëzuar të gjithë sportdashësit me lajmin e dhënë mbrëmjen e sotme.
Boksieri shqiptar ka bërë të ditur se ka nënshkruar një marrëveshje afatgjatë me “Boxxer” e gjithashtu edhe me “Sky Sports”, të cilat do të vijnë në Shqipëri këtë verë kur Marku do të zhvillojë një dyluftim në stadiumin “Air Albania”.
“Jam i lumtur të nënshkruaj një marrëveshje ekskluzive afatgjatë me Boxxer. Unë dua t’u jap fansave të mi atë që duan: luftimet më të mira në platformën më të madhe- dhe në SKY SPORTS ne e kemi atë. Si pjesë e marrëveshjes, SKY dhe BOXXER do të vijnë në Shqipëri, ku do të zhvilloj një luftë për kthimin në shtëpi këtë verë. Mezi pres të bëj një shfaqje për të gjithë fansat e mi në të gjithë botën”, njofton Florian Marku
