Kryeministri Edi Rama ka reaguar për herë të parë pas publikimit të audio-përgjimit nga Federata Shqiptare e Futbollit të kryebashkiakut të Tiranës, Erion Veliaj.
Reagimi ka ardhur në rrjete sociale, ndërsa i është përgjigjur një qytetari i cili e ka pyetur për çështjen në fjalë.
“Unë i neveris përgjimet e bisedave mes njerëzve që flasin në një mjedis jopublik, të cilat sipas meje nuk mund të merren për bazë asnjëherë askund, as si prova fajësie as si prova vërtetësie, sepse tjetër konteksti i një komunikimi informal pa dorashka, tjetër konteksti i shfaqjes publike së një përgjimi, prandaj edhe as nuk e kam dëgjuar fare dhe as kam ndërmend ta dëgjoj, kështu që meqë të dhashë tërë këtë shpjegim tani të lutem plotësoje pyetësorin me opinionet e tua”, përgjigjet Rama.
