Ish-ministri i Drejtësisë Ylli Manjani ka dënur ashpër dhunën policore ndaj banorëve të ‘5 majit’.
Me anë të një postimi në Facebook, Manjani shkruan se po i dhunojnë po ata që u votëbesuan 9 muaj më parë, ndërsa shton se edhe po të kishin votuar Bashën sërish do të dhunoheshin.
Manjani thekson se shkaku që sot shqiptarët dhunuohen nuk ëhstë vetëm për faj të qeverisë, por edhe për faj të opozitës së korruptuar.
Postimi i Manjanit:
Le të mos bëhemi cinikë, as hakmarrës ndaj atyre që sot në mëngjes i dhunoi keqas pushteti, të cilin e votuan para 9 muajsh.
Nuk është se shtëpitë e tyre do mbroheshin dhe, as dhuna shpërpjestimore e pushtetit do shuhej, nëse votën do ja jepnin Lulit. Shiheni dhunën e Lulit pa patur pushtet. Është më e egër…
Pra as vota për Lulin nuk do e ndalte dhunën e sotme.
Pra ato banorë të dhunuar sot e të lënë në rrugë të madhe me plaçka e familje nuk janë fajtorë përse votuan. As për kë votuan.
Faji duhet kërkuar direkt DHUNUESVE me dhe pa pushtet. Dhunuesit e pushtetit janë direkt përgjegjës për trajtimin çnjerzor të banorëve. Dhunuesit e opozitës janë përgjegjës që legjitimojnë dhunën e pushtetit.
Opozita e korruptuar është legalizim i pushtetit abuziv dhe të dhunshëm.
