Ditën e nesërme në orën 10:00 të mëngjesit, është vendosur ultimatum i fundit nga Inspektoriati Kombëtar për Mbrojtjen e Territorit ndaj banorëve të zonës “5 maj” në Tiranë.
Këta të fundit prej muajsh tashmë protestojnë kundër shembjes së shtëpive të tyre me argumentin se askush nuk ishte paraqitur për t’ju ofruar një kontratë të vlefshme që do u siguronte atyre një dëmshpërblim real.
Banorët në deklaratat e tyre për Fax News, kanë theksuar se nuk do heqin dorë nga shtëpitë e tyre dhe nuk do largohen, prandaj kanë bërë thirrje për një protest në ditën e nesërme ku do të kudnërshtojnë shembjen e shtëpive të tyre.
THIRRJE PER PROTESTE
NESER, DATE 19.01.2022, NE ZONEN E 5-MAJIT, IMT-ja KA NJOFTUAR SHEMBJEN E DHJETERA SHTEPIVE PA ARRITUR NJE MARREVESHJE PARAPRAKE ME BANORET.
Përmes VKM 533 dt. 22.9.2021 për rindërtimin dhe shpronësimin për interes publik Bashkia Tiranë ka dorëzuar nje akt-marrëveshje e njëanshëm pa vule dhe firmë, në te cilën nuk gjendet afat fillimi as përfundimi i punimeve. Nuk specifikohet vendi dhe koha ku do të ekzekutohet rikompensimi përmes shkëmbimit dhe as cilësohet pronësisë apo përdorimi i pronës.
Neser do jemi duke protestuar per kete. Bashkohuni!
