Ilir Meta bëri homazhe tek memoriali i Heroit Kombëtar, Gjergj Kastrioti Skënderbeu, në 554-vjetorin e vdekjes së heroit tonë kombëtar.
Nga Lezha, ku prehen eshtrat e Skënderbeut, Meta lartësoi figurën e tij si simbol i identitetit kombëtar.
“Skënderbeu është jo vetëm kryeheroi kombëtar, që i dha identitetin më të fortë kombit tonë, në mbrojtje të lirisë dhe të dinjitetit kombëtar dhe njerëzor, por edhe është personalitet i jashtëzakonshëm dhe një hero i qytetërimit evropian. Ai përcaktoi në mënyrë të pakthyeshme identitetin evropian të popullit tonë. Kjo figurë kaq e madhe, që edhe shekuj më pas shërbeu si frymëzim kryesor i rilindjes sonë kombëtare për të ngritur popullin shqiptar në luftën për liri, shtetformim dhe pavarësi. Është pikërisht Gjergj Kastriot Skënderbeu që me veprën e tij do të frymëzojë shqiptarët për veprat e tij dhe dinjitet kombëtar dhe njerëzor”, tha Meta, teksa kryeministri Edi Rama ishte në Laç me Presindetin turk Erdogan.
