Lulzim Basha ishte sot në Fier, ku sipas zyrës së tij, u zhvillua një takim me demokratët. Në fakt Basha mbajti një takim me një grup personash që i mbushën sallën e Teatrit Bylis, por vështirë të thuhet se ata ishin demokratë, anëtarë apo simpatizantë të PD.
Në rastin më të mirë ata mund të kenë qenë “elektorat gri” dhe Lulzim Basha dukej se e dinte mjaft mirë këtë gjë, pasi edhe mesazhet që përcolli dukej se ia drejtonte pikërisht votuesve që njëherë mund të shfaqen si mbështetës të Ramës dhe një herë si kundër tij.
Në panelin e zgjedhur nga Basha apo stafi i tij pvr të folur në takim ishte edhe Besnik Manushi, që u prezantua si një biznesmen, i cili vuri theksin te konkurenca e ndershme, ndërsa shtoi se e ardhmja është Lulzim Basha.
Por në fakt, Manushi është një nga idhtarët e bashkëqeverisjes Rama-Basha dhe këtë e ka konfirmuar me postimet e tij në rrjetin social.
‘Shpëtimi i Bashës, duket bashkëqeverisja me Ramën’, shkruante Manushi në 3 majin e vitit të kaluar.
Edhe në fjalimin që mbajti sot, Manushi pak a shumë bëri thirrje për një bashkim të tillë, përtej të majtës dhe të djathtës, tezë e cila duket se po artikulohet fort edhe nga Basha, që shfaqet si politikani kundër tranzicionit 31 vjeçar, edhe pse për mbi 16 vite është pjesë e këtij tranzicioni, madje pjesë e rëndësishme e sistemit, duke mbajtur 3 poste ministrore, një post kryebashkiaku, dhe prej 8 vitesh drejtues i PD.
Më poshtë keni disa prej postimeve të Manushit, që i bën jehonë bashkëqeverisjes.
