Ish-Kryeministri Sali Berisha deklaroi sot se Shkodra mbetet bastion i atdhetarisë. Në takimin e organizuar me demokratët në Pallatin e Sportit të qytetit, Berisha tha se qytetarët e Shkodrës kanë raportin më të drejtë me të vërtetën, se çdo qytetar tjetër.
“Askush në Shqipëri dhe ndoshta edhe në Europë nuk ka paguar me jetë e gjak, me qindra vite burgje dhe me tortura se sa qytetarët shkodranë, vetëm për ti thënë të vërtetës të vërtetë.
Shkodra ruajti vokacionin perëndimor të kombit shqiptar”, tha Berisha.
Në vijim ai tha sot ne kujtojmë 32 vjetorin e demostratës së parë të fuqishme anti-komuniste, në të cilën qytetarët e Shkodrës çliruan qytetin e tyre dhe detyruan regjimin të heqë bustin e diktatorit më të egër të shekullit të 20-të, Josif Stalin.
Berisha shprehu mirënjohjen më të thellë për martirët e 2 prillit dhe familjet e tyre.
“Në një moment kritik për demokracinë shqiptare, në një moment kur rikthimi i komunistëve bënte gjithçka për zhdukjen e PD dhe me një vendim epik i kemi thënë jo rebelemit komunist dhe kemi marshuar të pamposhtur për rivendosjen e demokracisë në Shqipëri.
Sot mblidhemi në momentin më kritik të 30 viteve të fundit, takohemi sëbashku, kur bastardët e bllokut komunist, kanë vendosur një monizëm shumë më të plotë se ai i viteve ´90-´91. Sot Edi Rama kontrollon pushtete shumë më tepër se Ramiz Alia, diktatori i fundit komunist. Ai kontrollon narko-qeverinë, narko-parlamentin dhe së fundmi vendosi në kontroll të plotë ish-kreun e opozitës dhe pluralizmin politik shqiptar.
Këtë situatë vetëm revolucioni dhe guximi juaj do ti japë përgjigjen më të merituar”, tha Berisha.
Ai tha se ky revolucion është i ngjashëm me atë të 1991. “Edhe atëherë regjimi bënte gjithçka, por nuk mori dot peng pluralizmin, nuk mori dot peng Partinë Demokratike”, tha Berisha.
