VIDEO/ Kapen me 17 kilogramë kanabis në makinë, arrestohet vëllezërit dhe kushëriri

Tre persona janë arrestuar nga policia e Lezhës pasi në makinën me të cilën lëviznin u gjet një sasi prej 17 kg kanabis.

Altin Përshqefa, 31 vjeç, Shkëlqim Përshqefa, 32 vjeç dhe Çelnik Përshqefa, 35 vjeç, banues në fshatin Bisakë, Mirditë, u vunë në pranga.

“Shërbimet e Policisë Lezhë kishin marrë informacione se këta shtetas po transportonin lëndë narkotike nga Mirdita në drejtim të Lezhës. Bazuar në këto informacione, në vendin e quajtur ‘Gëziq’, Mirditë, shërbimet e Policisë kanë ndaluar automjetin e dyshuar tip ‘Benz’. Gjatë kontrollit të automjetin me drejtues shtetasin Altin Përshqefa dhe pasagjerë vëllain dhe kushëririn e tij, shërbimet e Policisë gjetën 17 kilogramë lëndë narkotike cannabis sativa, të cilat u sekuestruan cilësinë e provës materiale, së bashku me automjetin”, njoftoi policia.

LEXO EDHE  Përfshihet nga flakët apartamenti në Elbasan (Detajet)

Nën drejtimin e Prokurorisë vijon puna për identifikimin dhe kapjen e personave të tjerë të përfshirë në këtë veprimtari kriminale, ndërsa materialet procedurale i kaluan për ndjekje të mëtejshme, Prokurorisë së Rrethit Gjyqësor Lezhë, për veprën penale “Prodhimi dhe shitja e narkotikëve”, kryer në bashkëpunim, shtuan të njëjtat burime.