Një mjegull e dendur ka pushtuar qytetin e Kukësit, mëngjesin e kësaj të shtune.
Shkak për këtë situatë mendohet të jenë temperaturat tepër të ulëta në këtë qark, ndërsa vihet re një prezencë e shtuar e akullit në akset kryesore të qytetit, të cilat përbëjnë një rrezik të madh për automjetet, por edhe për kalimtarët.
Sipas autoriteteve, automjetet lejohet të kalojnë vetëm duke përdorur zinxhirët.
Gjithashtu mësohet se disa fshatra janë pa drita, si pasojë e avarive në rrjetin kryesor të furnizimit me energji elektrike.
